فايقا قبل الصبح

فايقا قبل الصبح
ومن هدب عينا الناعسة 
رشة فرح 
على هدابو 
وصوب البحر 
مشوار دمعة برد نزلت 
متل 
يا ربي الغيث 
عيون طارت لأبعد حد
وبصمت 
أبعد من كل الحكي 
تراقب سما 
تضحك مع نسمة 
وشط فرحان بضيوفو 
لملمت شوية فرح 
كمشة بايدا حملتا 
وعا كل وجه منور 
بصبح 
لجباه سمرا 
من وطن ما بتعرف الشمس
الا عاصبحو 
تفيق 
الهن 
بقلبها المليان عشق لترابك يا وطن 
الله يصبحكن بكل الخير 
يا ولاد سورية 
العمراني قلوبكن بالحب 
بالايمان 
ومكللة بتوب النصر