نسيم الرحبي – البلاد
حلو التغيير في ناس بتقول حلو ..وفي ناس بتقول ما بيصير.. على فكرة حلو التغيير..
مشتاقة أحكي مع الورد مشتاقة للبحر والجرد، مشتاقه أرجع ولد صغير.. وكيف هيك بيصير ربي قادر على كل شيء هو العالي وهو القدير ..
هلق ما عم نعرف شو عم بيصير بس الحمد الله ما في تبذير..
بكرا وبعد الفطور والغداء ومع شرب العصير ..
ويا لطيف ع رنا بنت خالة كلارا لما طلعوا عالبحر بالشتا وغطاهن الموج من الصبح بكير ..
غير رحلة بيروت لما لبسوا الشورت والتيشرت وتمشو بالبربير ..
صعبة الظروف بس على مين ،غسل وجهك بالصابون ومسِّح بالبشكير وحلو التغيير..
كنت صافنه مرة وفكرت أطلع ع برج التحرير..
بس بعدت الفكرة وقلت بعيده كتير ،بس هلق صار وحيصير ..
كل شي عم يمر قدامي بسرعة مثل موضوع التعبير، وحلو التغيير..
رح خبركن ألف كلمة ،لمى شذى ونادية رفقات الحي منالطفولة ،وكرهوا بعض كتير .. رح تسألوني شو عم بيصير ،صدقوني ما بعرف بس حلو التغيير ..
إيمتى رح نكبر سؤال بيخطر عالبال ومثير.. بيلحقوا سؤال ثاني ثلاث نقط وخطير..
ليكني عم بضحك على كل فكرة خطرت ، وع مشاعر انتابتني كتير..
بس ح قول شي وبلا كذب (حلو التغيير)..
هلق جواد شب كربوج وبطل في تغيير لأن حبيتو كتير.
Views: 11
